انا راجل


انا راجل

أنا علاء القمحاوي من تيت راديو دوت كوم وراجل قوي راجل راجل يعني
ده اللي انا مقتنع بيه، واللي ذكور كتير قوي مقتنعين بيه في نفسهم
بس انا لازم اكون صريح واقوللكم اني لحد دلوقتي مش عارف انا بنيت اقتناعي ده على ايه بالزبط
لأني مش عارف يعني ايه رجولة أساسا.. يعني مش عارف امتى الذكر بيتحول لراجل.. وليه؟؟؟
فيه ناس قالتلي ان الرجولة هي الجدعنة والشهامة وحفظ الأصول والأخلاق والحاجات دي.. بس ما دي صفات برضه ممكن تبقى موجودة في أي واحدة ست.. يعني صفات إنسانية مش صفات رجولة بس
الراجل مثلا هو بيصمد في الحق وما بيرجعش في كلمته وبيحفظ العيش والملح وبيقف جنب اصحابه واخواته وأهله؟؟؟
برضه ممكن الصفات دي تبقى موجودة في واحدة ست، ولو الرجولة تعريفها كدة، يبقى الست دي آخر رجولة

الراجل له في السياسة؟؟ الستات كمان ليهم في السياسة
الراجل له في الكورة والحشيش والهلس؟؟؟ الست برضه ممكن يبقالها في الكورة والحشيش وأم الهلس

فيه صفات زي الرغي والكلام في الهايفة وزي الجبن والبخل دي صفات غالبة في الجنس اللطيف... ممكن نقول ان الرجولة هي ان الراجل ما تبقاش فيه الصفات النسائية دي... بس برضه نرجع ونقول ما يمكن فيه ستات مافيهاش الطباع دي,, وبرضه مش رجالة

قشطة .. كدة مش فاضل غير اننا نعترف ان الرجولة نفسها صفة إنسانية ممكن تبقى في الستات زي ما هي في الرجالة.. أو إننا نمسح كل الحوار اللي فات ده ونقلع هدومنا ونقف قدام المراية ونبص على الميزة الوحيدة اللي بتميزنا ونقول اننا فعلا رجالة


8 comments:

zahra said...

فيه صفات زي الرغي والكلام في الهايفة وزي الجبن والبخل دي صفات غالبة في الجنس اللطيف

أنا أعتررررررررض
الصفات دى ممكن تكون فى الراجل زى ما هى فى الست
و الجنس لا يؤثر ابدا على الصفات الشخصية
أما عن مفهوم الرجوله فأنا موافقاك عليه لكن مع تصحيح بسيط الرجوله مش ضد الأنوثه
و لما تكون فيه واحده بتحمل صفات الرجوله مش معناها انها مش أنثى
لإن الرجوله كصفة غيرها كجنس

Anonymous said...
This comment has been removed by the author.
Anonymous said...
This comment has been removed by the author.
ذو النون المصري said...

غايب بقالك مده و شكلك كده جاي مهنج علي الاخر
حد شكك في رجولتك او نبهك لحاجه مكنتش واخد بالك منها
؟؟؟؟؟؟؟؟؟؟
متتاخرش تاني في التدوين-------------------------------------------

Anonymous said...

l2 seebak mettadween ya 3alaa wrakez fe teetradio pls :)
bravo kman ennak katabt el item dah la2enno kan 2abl elsite mayo2a3 3alatool wmal7e2nash nesma3o ;)

Anonymous said...

كل ماتتزنق اقلع
:)

انسانةعادية فى عالم مش عادى said...

اول مرة ادخل المدونة ومن نايحة انها مسخرة فى هى مسخرة هههههههه متزعلش منى بالنسبة لتقيم حضرتك فى موضوع يعنى ايه رجل ورجولة
بما انى ست انا اللى اعرفه ان الشرع قال الرجال قوامون على النساء
واعتقد ان الرجل المقصود بده اللى يتميز بدماثة الاخلاق ده بالاضافة انه اللى يعتمد عليه
وبما اننا فى زمان اختلط فيه الحابل بالنابل والواحد مش عارف يفرق بين الرجل والست
فامش تشغل بال حضرتك بالمقارنات وسيبها على ربنا

Anonymous said...

Hi there, I cheсk уοur blogs likе every wеek.
Your humorіstic stylе iѕ witty, keep up the gоod worκ!
Feel free to surf my blog ; www.prnewswire.com