هاواى واصدقائى



عايز اروح هاواى
بجد نفسى اكمل حياتى هناك
واشتغل مدير فندق ويكون اكبر فندق فى هاواى ويكون لينا فرع فى لاس فيغاس واكون ناجح جداً فى شغلى
ويكون فى مساعدة بتاعتى تكون حلوة بغباء يعنى واعيش قصة حب متخلفة معاها
وبعدين نسيب بعض وامر بحالة نفسية صعبة وهى تتجوز واحد تانى خالص غيرى
وبعدين اقرر اكمل حياتى عادى وابعت دعوة مدفوعة التكاليف لاحمد الدرينى واحمد ندا وطلال فيصل وهظبط طلال مع مونيكا اللى شغالة فى البار تحت فى الديسكو وهسيبه يولعها

وهستمتع بالجلوس مع الدرينى على الرمال امام البحر ونشرب التيكلا ونتحدث كثيراً وكثيراً عن كل شي عن العمل وعن الحب

ثم سأطلب من النادلة ان تاتينى بكأسين فى المارتينى وزجاجة فودكا وسيغضب الدرينى منى كثيراً وسيغادر الى غرفته متصنعاً الرغبة فى النوم

وسأتجه الى بهو الفندق لاجد احمد ندا جالس متوسط فتاتين من البرازيل وسأجده يحدثهم على ادب امريكا اللاتينية وعشقه له ثم سأخده مع الفتاتين لنذهب لنتحفل ونشرب المارتينى والفودكا ولكنه سيصر ان لا اخبر احمد الدرينى عن الفودكا وعن الفتاتين وساوافق وسأخبره انى احبه كثيراً

وبعد الاحتفال ندهب للنوم إلا طلال يرفض النوم بتاتا

ثم بعض بضعة ايام ياتى موعد رحيلهم وساذهب لاودعم فى المطار إلا طلال يأبى ان يسافر الى مصر ويصر ان يبقى معى ويعمل فى البار مع مونيكا وساوافق بكل تاكيد

وسأبكى كثيراً عند الوداع
سافتقدكم يا اصدقائى

19 comments:

husam shady said...

طيب يا قمحاوى مش هتحتاج حد يمسح الترابيزات فى البار إللى هتبقى مونيكا شغاله فيه

أحمد ندا said...

إن كان على الفودكا والتيكيلا وحتى المارتيني والبيرة موجودين..بس فين البنتين بتوع البرازيل

koky said...

وعد خاص منى هكون شريكك فى الموضوع ده وانا اللى همول الموضوع ده من كوبايه الويسكى لحد السيراميك بتاع التواليت
وقول يا مسهل ويا فتاح يا عليم و يا رزاق يا كريم

طلال فيصل said...

وسابكى كثيرا عند الوداع
سأفتقدكم كثيرا يا أصدقائى
جميل يا واد يا علاء
بس ايه حسيب طلال يولعها دى..عيب ..اختشى..الكلام ده لا يقال امام زوار الدونة الأفاضل..نياهههها
واحشننى يا واد والله

3rby said...

لا بس جديدة حلوة بغباء ديه
ولازم برضو تكون عبقرية بغباء
واضح انك سكران طينة او كتبت البوست وانت نايم وده واضح في اخر بارجراف اللي مافيهوش كلمة صح

بعد ماتفتح فندق في فيغاس هاجي اسرقه انا وعصابتي اللي اسمها احمدز ثرتين
بس الاحلي بقي واحد تاني خالص غيري
هو فيه حد غيرك خالص وحد غيرك نص نص وواحد غيرك زيك؟


الصنف مضروب يا عيلاء

عاشقة الوطن said...

صباح الفل ياقمحاوى
ايه الحكاية ديه انت بتحلم
بس تصدق احلامك عاوزة شوية تعديلات

بس احلامك زى العسل بس مش كلها برضه

سلاااااام

الكلام نوعان :كلام فارغ وكلام مليان كلام فارغ said...

الله على العيشه هناك
بس مفيش شاب كده لونه بونزي وطويل ويافه وعضلاته وزنها 5 او 6 طيلوا كده في ايديه ولا شعره يكون اسود ناهم وطويل ويكون في وشه ملامح الرجوله
انا موافقه اشتغل معاك لو هاتجيب ناس كده
وكل المدونين وتبقى نسميها جزيره المدونين
تحياتى

وينكى said...

نعم!!!؟
خير
فيه ايه
طب انت قمت من النوم امتى

خليك فى البيت said...

خليك فى البيت يوم 23 يوليو لمعرفة التفاصيل أدخل مدونة خليك فى البيت

أميره..من غير قصر و لا بستان و لا الشاطر حسن كمان said...

هههههههههههههههههههههههههههههههههههههههههههههههههههههههههههه

Oreka said...

ههههههههههههههههههههههه

اصلا اصلا

ابقى تعالى العب استغمايه على قبرى يا علاء

أميرة ويلز said...

طب ممكن وانتوا غرقانين فى الفودكا كدة
تبعتولى 2 كيلوا اناناس اقلب بيهم رزقى :D

dead man said...

كده.. ونسي هواري يا واد .. ولا اى حاجة.. لا سيجارة ماريجوانا ولا 2 جرام كوك.. ولا حتى ازازة بيرة.. ولا نصف حشيش حتى..

والله عيب .. أشوفك لما ترجع من هاواى

وينكى said...

حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

جبهة التهييس الشعبية said...

هههههههههههههههههه
هههههههههههههههههه
هههههههههههههههه
ايه المدونة التحشيش دي؟
اول مرة اشوفها
تحياتي

elkamhawi said...

husam shady

انتا تامر بس احنا نروح وكل حاجة هتتظبط

احمد ندا

قشطة اقولك انا هتلاقيهم اكيد فى البرازيل

koky

انتا اللى هتمول يعنى اقول على كدة المشروح جايب ارباح جامدة
قشطة

طلال فيصل

اية يا باشا اخبار معاليك اية
انتا اللى واحشنى والله
ولعها يا عم ولعها هو حد طايل

عربى

انا سكران يا احمد عيب عليك انتا عارف انى مليش فى المنكر
واذا كان على السرقة تعالى بس انتا اعرف والصنف مش مضروب

عاشقة الوطن

عايزة تعديلات لالالا انا مش عايز اعدل
كدة فل قوى بس هى تيجى
قشطة

الكلام نوعان

فى على فكرة تونى اللى شغال على البار
اللى على البحر تعالى انتى بس
زرونا تجدوا ما يسركم

وينكى

مش فاكر قمت من النوم امتة

اميرة بالقصر والبستان

نيهههااااههههههههااااااااا

Oreka

استغماية....قشطة قشطة بقى قوليلى انتى ناوية امتة وسيبى الباقى عليا
هههههههههههه

اميرة ويلز

انانس بس كدة بسيطة بس ادعى انتى وملكيش دعوة بحاجة

dead man

انا مش نسيتك على فكرة
بس هبقى اشرحلك لما اشوفك
اسباب سياسية على فكرة بس دلوقتى انتا معانا

جبهة التهييس الشعبية

هههههههه
هو حد جاب سيرت حشيش ولا حاجة انتو هتحبسونا ولا اية
منور

layal said...

سمعت ان بعض الاحيان لو الانسان فكر قي شيء او كتبه ونساه
ممكن الشيء هذا يتحقق ولو بعد حين ؟؟؟

Mony The Angel said...

loooooooooooollz :D

3ala asm masr said...

أشطه