ميلاد اسطورى


انا عارف ان البوست ده جاى متأخر شويه بس...اهو اللى حصل
...............................
.............................................
انا بجد مش عارف اكتب ولا كلمة فى البوست مع ان جوايا كلام كتير جداً لناس حلوين قوى كنت مقرر انى اكتبه بس مش عارف
يمكن مش لاقى حاجة اعبر بيها عن اللى جوايا من ناحيتهم
بس الضرورى جداً انى اشكر احمد الدرينى على يوم عيد ميلاده عشان بجد اليوم ده فرق معايا كتير مووووووت
وقابلت ناس حلو
يــن جداً وحسيت انه كان عيد ميلادى انا
مع انى خد التورتة
بالشيكولاته مع انى عمرى ما اكلتها بالشكولاته ومش بحبها
انا بجد مش عارف اقولكم اية لكل اللى شفتهم فى اليوم ده البراء اشرف بجد


هقولكم اية مش عارف.... بجد مش عارف


انتو حلوين قوى على فكرة وانتو مع بعض

شكراً ليكم انتو التلاته
وربنــا يوفقكم
وكل سنه وانتا طيب يا درينى

بدأ هذا الحفل بميلاد رجل من اعظم الرجال ..رجل من اوفى الرجال
وعلى لسان احمد (وكان اول عيد ميلاد فى البديل يا استاذ خالد)؟

وكان الحفل بحضور كل من

الاستاذ خالد البلشى غنى عن التعريف طبعاً
وعبير العسكرى واميرة هشام وهبه ربيه واحمد و شادى ده كله مع حفظ الالقاب يعنى

وبعدين اكلنا الحاجات الحلوة واتجهانا الى البورصة اللى لقينا عليها لفيف من الاهل والاقارب والاصدقاء
دى اميره هشام ..عسوله موووووت

هوراى كان قاعد على البحر زى منتو شايفين
وكان يوجد ثلاث ملائكة قاعدين معاه اكتشفت بعد كدة انهم
اميره حسن
لمياء محمود

انجى سمراء النيل
وبعدين تكرمت سمراء النيل بتوزيع طقم عسلية( زيها بالضبط)؟

وكالعادة لاعتراض بعض النجوم على التصوير ققرت اصور اديها مع عسليتها
اللى ميعرفش يفرق اديها من العسلية يقولى

على فكرة انتى جميلة قوى وطيبة قوى يا انجى

ثم جاءت اختى بطلتها البهيه لتنير المكان وتضفى عليه بعضاً مما اعطاها الله

كما قالها الدرينى (فى تدوينته الساحرة ..هادئون..هادئون..هادئون) بينما دعاء بجوارى ..صامته..وكأنها موفدة من السماء..ملاك فى صورة بشر..ليراقب الجميع ..تكتب التقارير التى تديننا جميعاً


بعض الصور من القهوةشادى مع احمد

براء والشاى

وكان فى ناس موجوده بروحها معانا ان كانت غير موجوده بجسدها
احمد ندا يارب ترجع بالسلامه

مصعب حمد لله على السلامة

14 comments:

ياسمين said...

آه
لقاءات وتجمعات من ورايا
امممممممممممم
ماشى يا رب تكونوا على طول مبسوطين

اميرة هشام said...

جميل اوي اوي اوي البوست ده

انا في اليوم ده نسيت الكاميرا وكنت متضايقة اوي اني مش هعرف احتفظ بذكريات اليوم ده

بس انت قمت بالواجب وزيادة

واليوم ده بجد كان جميل اوي
كان ناقصه بس الناس اللي كانت غايبة عننا

esraa said...

كل سنه واحمد طيب وعقبال مليون سنه
جميل أوي اليوم, ومبسوطه عشانكم وعشان كنتم مبسوطين فيه (:

smraa alnil said...

صور ايدي منورة في البوست
ربنا يخلي يارب يا علاء
بجد مقابلتك في اليوم دة كانت مفاجئة ليا بجد وانبسطت بيها اوي
ودي كانت احلي حاجة

nour said...

الله انا بحب المقابلات دى اوى و لما يكون عيد ميلاد الدرينى يبقى لازم طبعا نقوله كل سنه و انت بالف خير يا معلم
و الله يا علاء انا مشوفتش اطيب منك
انت بتحب اصحابك بجد
ربنا يخليك ليهم
بس مقولتش عيد ميلاده كان يوم ايه بالضبط؟؟؟

مصـ( الخير )ـعب said...

عملوها الوحوش ... يا رتني كنت معاهم
علاء أنت أبيض من جو

albida said...

ربنا يخليكم لبعض

أنت كمان كنت هناك فى اللقاء بتاع قهوة البورصة؟
انجى قالتلى عليه وعرفت أنكم اتبسطم أوى

ههههههههههه
أنا تعرفت على ايد انجى وعلى العسلية كمان


manal

elkamhawi said...

ياسمين

ده مكنش مترتب خالص
ان شاء الله المرة الجاية تكونى معانا

اميره هشام

ربنا يخليكى وانتى كنتى منورة

esraa

نورتى ويارب تكون كل البنى ادمين

مبسوطين

سمراء النيل

ربنا يخليكى يا احلى سمرا ..فعلاً هى كانت حاجة مش متوقعة نهائى بس مفاجأه حلوة موووووت ..ياريت تكرر

nour

ربنا يخليكى يا نور ونورتى البلوج ويا ستى عيد ميلاد احمد كان يوم 20/2

مصعب باشا

وانا اقول صفحة الكومينت منورة كدة ليه؟ اتاريك معلق
واحنا بجد كان نفسنا تبقى معانا
ولو انا ابيض من جوه يبقوا انتو اية؟؟؟؟

albida

لا يا ستى انا مكنتش معاهم ده لقاء تانى خالص غير بتاع المدونين ..طب كويس انك عرفتى تفرقى بين العسلية واديها

abdallahalmasry said...

السلام عليكم ورحمة الله وبركاته .
الإخوة والأخوات من أبناء مصر الأبرار ,نقدم إليكم المبادرة المصرية للعفو والإصلاح –مبادرة الإخلاص- والتى تمثل طرحا مصريا لاستنهاض مصر يخاطب المخلصين من أبنائها ,ويتطابق مع الإرادة الجمعية للأغلبية المصرية الصامتة وهو ما يجعله الأقدر على تحقيق أهدافه ,نقدمه إليكم آملين فى تأييدكم له ,وسائلين الله عز وجل أن تعود به مصر كما أراد لها أن تكون .
ونرحب بتفاعلكم وآرائكم من خلال زيارة موقع المبادرة : www.mobadrtalekhlas.blogspot.com

cat_eyes(همس الليل) said...

كل سنه وانت طيب يا احمد يا درينى من نورا الدرينى

هههههههههه
قريبى اللى معرفوش اللى طلع مدون بردو

بس للاسف هو فى الشرق وانا فى الغرب


بعدين يعنى هو عشان احنا مش من مصر تغيظونا كل شويه
وتقابلو بعض

والله هعمل مقابله فى اسكندريه للمدونين الاسكندرنيه ويلا انشاله محد حوش بئا

saso said...

كل سنة واحمد طيب
وكل سنة وانت انسان طيب وحلو وبتعرف تفرح ليك ولصحابك
تعرف اني كل مرة بادخل عندك بجد باتبسط
صحيح بلوجر بينكد عليا ومش بيكتب اسمي وبيطلعني انونيموس واروح محطش التعليق بس المهم اني بافرح بجد لما اشوف كلامك البرئ الحلو

انت صاحب حلو اوي ما شاء الله عليك

ذو النون المصري said...

انا عملت جوله في مدونات الفريق كله
و اتمني لكم مزيد من اللقاءات
تحياتي

RAGAB KAMAL said...



الكثير منا يعانى من طرق النظافه القديمه المتعبه والمؤلمه ودعا لهذا النوع من النظافه الان مع شركة الكمال المتخصصه فى جميع اعمال التنظيف بالطرق ولالات الحديثه التى تحتوى على عمال ماهرون ومدربون وعندهم خبره عاليه فى اعمال التنظيف كما انها يوجد لديها عمال ماهرون ومدربون الى اعله مستوى من المستويات وان شركة الكمال يوجد لديها خدمات اخرى
مثل تسليك المجارى وعزل خزانات ونقل اثاث ورش مبيدات ومكافحة حشرات فى جميع المملكه العربيه السعوديه

شركة تنظيف شقق بالرياض

شركة تنظيف شقق بالدمام

شركة تنظيف شقق بالطائف

شركة تنظيف شقق بجازان

شركة تنظيف شقق بحائل

شركة تنظيف مجالس بالرياض

شركة تنظيف مجالس بالدمام

شركة تنظيف مجالس بالطائف

شركة تنظيف مجالس بجازان


شركة تنظيف مجالس بحائل


عبده العمراوى said...

شركة تسليك مجارى بالجبيل
شركة مكافحة حشرات بسيهات