التيت



تيت الشباب المكتئب ..تيت الشباب الضارب والمضورب...تيت البنات المغشوشة....تيت الحرامية ولاد الكلب...تيت الحشيش المضروب...تيت هيفا وكمان تيت نانسى...تيت ام احمد...تيت الحرية..تيت التهييس...تيت الحب وتيت الحضن...تيت البوس....
تيت ماكيز...تيت محمد منير...تيت الساقية وتيت وسط البلد وتيت البورصة...
تيييييييييييييييييييييييييييييت

إذا تلقهم لا تلق للبيت عورة.ولا الجار محروماً.ولا الامر ضائعاً

اقروا اول بيان من تيت راديو على
www.teetradio.com/
إنتظروا تيت راديو من اول ثانية فى السنة الجديدة

لم يدرك


عندما افاق من غيبوبته لم يدرك انها لم تكن بجواره ..لم يدرك انها تخلت عنه...لم يدرك انه صار وحيداً

فاعتدل فى جلسته وبدا فى البحث عنها بنظرات متتاليه ولم يدرك انه لن يستطيع ان يراها فى هذا الظلام الدامس..ولكنه كان متاكد انها لن تتركة ولن تتخلى عنه ابداً
وبدا فى البكاء ...كان لا يريد اى شى سواها...هى فقط
وصرخ باعلى صوته لتسمعه ولكنه لم يدرك انه لم يعد لديه صوت
وفجأة سمع صوتها وهى تبكى ولكنه لم يدرك انها لم تكن معه

لماذا تبكى يا حبيـــــــبتى....؟؟؟
اراد ان يتبع صوتها وان يذهب إليها ليحتضنها ويخبرها انه فقط يعيش كى يسعدها
لكنه لم يدرك انه لا يستطيع ان يتحرك
واستمرت هى فى بكائها واستمر هو الاخر فى بكائه
تباً...اللعنه على هذه الغرفة المظلمة...اللعنه على كل شي يبعدنى عنك
اللعنه على الموت نفسه
ادرك انها غرفة صغيرة مظلمة...ادرك انه لا يستطيع التحرك...ادرك انه لم يعد لدية صوت ...ادرك ان حبيبته لم تكن بجواره...ادرك انها تبكى من اجله
ولكنه لم يدرك انه لم يفق من غيبوبته

بنات مين؟


بنات مين يا عم اللى فى مصر احنا هنكدب

احنا اتفقنا انا وحربية و هوارى اننا هنعمل جروب على الفيس بووك هنسمية معاً لإلغاء خانة الجنس من البطاقة
ولا ذكر ولا انثى عشان منكدبش على بعض

على راى اللى قال انا كنت بحب صندل فى مصر

بنات مين يا جدعان اللى فى مصر!!!!! دول بيحطوا
AXE

Love Scenes


المشهد الاول
هو: انا عايز اقولك حاجة حاسسها قوى بس مش عارف اقولهالك ازاى
هى:( ابتسامة قال يعنى مكسوفه) ...عادى قول
هو: انا ب ح
هى تحط اديها على بقه وتنزل فى الخلفيه( اغنية عمرو ومالو لو كنا بعيد وسبنا كل الناس)
وتقوله ...بحبك...عارفه وحاسة بيك من زمان
هو عنيه تدمع ويمسك اديها وهى كمان عنيها تدمع وتبتسم
cut
المشهد التانى

هو: انا حاسس انى عارفك بقالى كتير
هى: وانا حاسة انى من غيرك مش هقدر اعيش
هو يحط اديه على شعرها وتنزل فى الخلفية (اغنية منير لما النسيم )
ويقولها مش عارف لو مكنتش قابلتك حياتى كانت هتبقى شكلها اية
هى: حياتى مكنش هيبقى ليها اى معنى
cut
المشهد الثالث

هو: مين ده يا هانم اللى كنتى واقفة بتهرجى معاه
هى: ده واحد زميلى فى الجامعة
هو: وإزاى بردة تقفى معاه كدة...اعمليلى حساب حتى
هى: عادى يا ابنى مالك مكبر الموضوع
هو: يسيبها ويمشى وميردش عليها
cut
المشهد الرابع
بعد فتره اسبوعين خصام يقابلوا بعض صدفه فى كافيه هو مع صحابة وهى مع اصحابها فيقوم يقلها ممكن كلمة بره ..وبعدين ياخدها ويخرج وتبدا هى فى العياط وهو واقف قدامها بيبص فى الارض
هو: بتعيطى ليه دلوقتى
هى: انتا اصلك عمرك ما حسيت بيا تنزل فى الخلفية موسيقى( سيكرت لوف )
هو بنرف عالى موووت وبتعصب جامد: وانا كان مين حس بيا
اووووووووووه تنزل سقفة جامدة جداً
... يبص للجمهور ويحيه ويبصلها تانى ويكمل المشهد

هو: فى عز ما كنت عايزك مكنتيش جمبى... فى عز ما كنت محتاج حد اخده فى حضنى..مش عارف انتى كنتى فين ساعتها
هى مستمرة فى العياط الجامد قوى وهو بيحاول يسكتها
هى: بصوت يكاد يكون مختفى من كتر العياط حبيبى احنا مش هينفع نكمل مع بعض
هو: يااااه انتى خطفتى الكلمة من على لسانى
يبتسموا الاتنين لبعض وهى بتبدا فى انهاء عياطها يمسك اديها ويخش معاها الكافيه هى تروح لاصحابها وهو يروح لاصحابه
cutttttttttttttttttttttttt

my love is your love

If tomorrow is judgement day
And I’m standing on the front line
And the Lord asks me what I did with my life
I will say I spent it with you, it’s alright

بجد البقين دول تعبونى قوى
تفتكروا ممكن الواحد يلاقى حد يعرف يقول عنه كده
*********

If I wake up in world war three
I see destruction and poverty
And I feel like I wanna go home
It’s okay if you’re coming with me, it’s alright

*******

If I should die this very day
Don’t cry cuz on earth
We wasn’t meant to stay
And no matter what the people say
I’ll be waiting for you
After the judgement day

بجد يخرب بيت كدة
اية الابداع ده

دى يا جماعة اغنية
my love is your love
للجامدة
Whitney Houston

وشوفوا ده الكليب بتاع الاغنية
وشكراً يا محمد يا عزت



مش عارف ليه من زمان نفسى اتعرف على وحده اسمها سونيا

الحارس (عزت القمحاوي)0

أتعلم لم ينقسم المخ إلى فصين؟
_لم يا سيادة العقيد؟
_من أجل أن تبقى الدولة فصاً واحداً أيها الملازم
_من وهب لهذه المهمة يستطيع بقليل من التدريب أن ينام بأحد الفصين يبقى مستنفراً فصه الاخر
وعد الملازم وحيد بأن يعمل ما في وسعة للتدرب على النوم بفص واحد من المخ

****************

امر السائق بالانعطاف يميناً بينما اخد يتأمله من قفاه العارى بين الطاقيه وياقه الافرول.جرده فى خياله من الزى الرسمى ،وتصورة واحداً من السارحين بين العربات .لافرق . الجندى مدنى متخف . لهذا كان اللواء مهاب يؤكد عليهم فى محاضراته : "المدنيون والجنود أحط مخلوقات الله ، وأنتم كظباط يجب أن تنأوا بأنفسكم عن الاختلاط بيهم "0

*************

"عندما تعبر الشارع تعبره كظابط ، عندما تقف فى طابور لقطع بطاقة سفر تتقدمه كظابط ، حتى لو احتجت إلى من يدلك على الطريق ، استجوبه كظابط. الكتفان مرفوعان ، الصدر إلى الامام ، البصر فى مستوى أفقى ، عندما تضطر للنظر تحت القدمين حرك الراس وحدها دون خفض الكتفين"0

********

قالت له إنها مرتبطة وفي توافق مع من تحب
قال إنه مصر على أن يكون شيئاً فى حياتها : خطيب ،حبيب ، أخ


الكليب ده جامد
والمزة اللى فيه عسولة موووووت
وموسيقى الريجاتوو تحفة
طبعاً الكلام مش فاهمة كلة بس جامد

عندما قال الشيطان.احترموا نفسكو يا ولاد الكلب


كان جالساً فى غرفتة كالعادة يصنع سيجارة السعادة كمان كان يسميها وبينما هو مستغرق فى تسخين قطعة الحشيشة تذكر كيف كانت الحشيشة سبب تسميته بالشيطان وسط اصدقاءه والمقربين منه..

يا شيطان.....................يا شيطان

يا جدع حرام عليك...استغفر الله العظيم

انتا مسلم بجد يا شيطان

يا جدعان محدش يتكلم معاه فى اى حاجة تانى عشان ده هيكفرنا



ثم تذكر منذ لحظات كيف كان يقول لهم يا ولاد الكلب يا زباله...حرام عليكو شكلها طيبة قوى
ارجوكم يا ولاد الكلب محدش يضايقها او يؤذيها .....حرام عليكو يا ولاد الكلب
ليه تعملوا كدة...دى بنى ادمه يا ولاد الكلب.....حرام عليكو يا ولاد الكلب

ثم ابتسم الشيطان وهو يضع اللمسات الخيرة لسيجارة السعادة

وبدأ فى البكاء

واخد يبكى ويبكى

ومات الشيطان وهو يبكى لاجلها ويدعو الله ان يرحمها

ودخل الشيطان الجنه إن شاء الله

الحارس


حالياً بالاسواق
رواية الحارس للاديب عزت القمحاوى اللى هو عمى
صدرت عن دار عين بالقاهرة
الرواية انا شايف انها جامدة جداً مع انى لسه مخلصتهاش
وهكتب عنها تانى اما اخلصها




الدنيا حلوة وأحلى سنين بنعشها واحنا يا ناس عاشقين
ننسى اللى فاتنا ونعيش حياتنا على الحب متواعدين
كل الاحبه اتنين اتنين متجمعين فى الهوا دايبين
على اية تكشر وليه تفكر ده العمر كله يومين
انسى اللى راح على طول على طول
متسبش زعلك مرة يطول
افرح شوية واضحك شوية
كدة خلى روحك عليا وهاااى
الحب غير معنى الكون
خلاله شكل وطعم ولون

كل سنة وانا طيـــــــــــــــــــــــــــــــــــــــــــــــــب

حتة إزازة

حتة إزازة
دخلت .....إديا
فتحت .....إديا
اه ه ه ....يا إديا
قصيدة شعرية من تاليفى



ليغفر لنا الخالق خطايانا التى ارتكبناها

وتلك التى نحلم بارتكابها


الحرية لمحمد الدرينى



عمو محمد مش عارف اقولك اية ...واسمحلى انى اقولك يا عمو عشان انتا علمتنى حاجات كتير قوى يمكن بطريقة غير مباشرة !! اتعلمت كتير قوى من مواقفك فى الحياه واتعلمت اكتر من ابنك احمد الدرينى اللى هو اكيد مش هيختلف عنك كتير ...اتعلمت منه كل الحاجات الجميلة اللى انتا زرعتها فيه ...
ربنا معاك واكيد هيبقى معاك عشان لو مش هيبقى معاك هيبقى مع مين؟؟؟؟
ومش احمد بس اللى ابنك كلنا ولادك وكلنا معاك

للتضامن معانا ... خش هنا
او انضم لجروب على الفيس بووك اسمة الحرية لمحمد الدرينى


ممنوع


نيههههههاهااااااااااههههاااااا

الزفة اشتغلت...واشتغلت
ف دماغي الذكرى ف لحظتها
مين كان يتخيل أن أختي ..
الليلة فرحها ودخلتها
كت تركب كتفي وتتنطط
لو أرفض .. تزعل وتبوز
جريت أيامنا المجنونة
والليلة بشوفها بتتجوز
سيبت المعازيم .. سيبت الزفة
وأخدت الذكرى ف أحضاني
وركنّا ف ركن لوحدينا
جريت أسئلتي ملحقاني

هو احنا زماننا اللي استعجل؟!
والا احنا كبرنا وبنداري ؟!
طب ليه مش قادر تستوعب ؟ّ!
ما تكونش كبرت ومش داري ؟؟

ملحوظة:جزئين القصيدة دول منقولين عن مدونة انا مالى لصاحبها براء عن قصيدة لاحمد عبيد

على فكرة انا عندى اختين بس وده يوم فرحهم مع بعض وكان يوم 1/8/2007
كان شي لذيذ بس كان صعب فعلاً

دى رقصة جماعية للعرسان

اموت واعرف انا كنت عامل بصوابعى كدة ليه؟
ومش عارف دودو عامله بصوابعها كدة ليه هى كمان
اكيد ده كان جزء من عرض صوابع العيلة بتاعتنا
اصلنا صوابعنا حلوة قوى


مش عارف كانوا معلقين التورتة فوق قوى كدة ليه؟؟؟


بردة لسه معرفتش السبب؟؟؟

كنت برقص!!! إية القمر ده يا خواتى

واهم حاجة فى اليوم ده انه كانو موجودين اصحابى اللى بحبهم جداً
من اليمين : براء _هوارى_انا_احمد الدرينى
من تحت يمين: احمد ندا_احمد رفعت


من اليمين: احمد الهوارى_مصعب باشا_انا_احمد الدرينى
تحت يمين نايم:احمد ندا_احمد عزت

ومنساش بردة محمود عبد الستار صاحبى
وشكراً فعلاً لكل اللى شاركنا اليوم الجميل ده

أنا ودودو


كعادتى أصل إلى البيت فى اوقات متاخرة من الليل لاجدها جالسة الى الكمبيوتر

انا: حرام عليكى ارحمينى شوية بقى نفسى اخش مرة اعرف اقعد على الجهاز مرة

دودو تكتفى بنظرة قرف ليا ومتردتش عليا نهائى

انا: امتا بقى الواحد يخلص من القرف ده

دودو تتنرفز عليا: منتا طول النهار قاعد عليه

أنا: طيب المهم هتخلصى امتة

دودو: مش عارفة

كل يوم نفس السيناريو وتنتهى الحكاية على كدة بعد شوية زعيق كتير

بعد كدة اخش اعمل اتنين شاى ليا انا ودودو واروح احطهلها قدمها على الكمبيوتر

انا: خدى الشاى فى المج بتاعك اهوة

دودو: شكراً

انا: دقيقة وحدة وهعملك احلى سندوتشين فيكى يا مصر

دودو: لالالا...مش عايزة اكل نهائى...تعالى بس شوف التدوينة دى

انا: قشطة هجيب الاكل واجى على طول

اخش المطبخ اعملى العشا بتاعى واروح اقعد جمبها تقوم هى قايمة وتيجى تاكل معايا

ونفضل نضحك انا وهى قوى عشان ده الطبيعى كل يوم تقولى مش هاكل واول ما اجيب الاكل القيها قعدت قبليا

نتعشى انا وهى وبعدين هى تقوم تعمل شاى وانا اقعد اقرا التدوينة بتاعتها

انا: دودو التدوينة حلوة بس...دودو انتى قبضتى ولا لسه

دودو:خش فى الشنظة بتاعتى خد منها اللى انتا عايزة

انا:يابنتى مش قصدى انا بطمن لتكونى عايزة فلوس ولا حاجة

انا ودودو:ههههههههههههههههههههههههههههههههههههه

انا:مش هاخد كتير على فكرة

دودو:براحتك يا عم ...وشوف الكمبيوتر لو عايزة انا خلصت خلاص
انا:لا خلاص تعالى نتفرج على أم بى سى 4

انا:شايفة يا دودو ولاد الكلب عايشين ازاى وشايفة الالوان لون المية مع السما مع الزرع مع الورد مع الرمل

دودو:تعرف انا بخرج الصبح وبفضل طول اليوم شايفة مصر كلها ابيض واسود شوارع وعربيات وناس ووشوش

انا:بقولك تيجى نهاجر انا وانتى

دودو:ياريت والله

نفضل نرغى كتير قوى مع بعض والساعة دقت السادسة صباحاً

انا:يلة بقى نقوم ننام عشان بابا زمانة هيصحى ولو لقانا صحيين هيقعد يشتغلنى وانا مش ناقص

دودو:قشطة تصبح على خير

انا:تصبحى على خير

دودو:اه صح نسيت بص لو صحيت قبل 5 المغرب صحينى معاك

انا:ههههههههههههههههههههههه

............................................................................
تفتكرى يا دودو انك تكلمينى تصحينى من النوم واكون بحلم بيكى صدفة

انا كنت بعيط وبعدين رحت فى النوم على سريرك وحلمت بيكى وانتى صحتينى من قبل الحلم على تليفونك

لو دى صدفة طيب امبارح

الساعة اربعة ونص صباحاً كنت نايم فى الارض فى الاسماعيلية وبحلم بيكى برده فى يوم فرحك بس كان فرح مختلف نهائى عن الفرح بتاعك واتصلتى بيا بردة وانا بحلم بيكى

تفتكرى دى صدفة بردة
على فكرة متتصليش بيا تانى الساعة 4 ونص صباحاً عشان مبقتش اعرف اسهر لوحدى

ألم يحن

ألم يحن الوقت لـ.........ـ
...........أليس من المفترض أن
...........كيف يكون الـــ
........أمازلت ................. ولكن
..............ولكن.............هناك دائماً
ألم يحن
ألم يحن
ألم يحن

هاواى واصدقائى



عايز اروح هاواى
بجد نفسى اكمل حياتى هناك
واشتغل مدير فندق ويكون اكبر فندق فى هاواى ويكون لينا فرع فى لاس فيغاس واكون ناجح جداً فى شغلى
ويكون فى مساعدة بتاعتى تكون حلوة بغباء يعنى واعيش قصة حب متخلفة معاها
وبعدين نسيب بعض وامر بحالة نفسية صعبة وهى تتجوز واحد تانى خالص غيرى
وبعدين اقرر اكمل حياتى عادى وابعت دعوة مدفوعة التكاليف لاحمد الدرينى واحمد ندا وطلال فيصل وهظبط طلال مع مونيكا اللى شغالة فى البار تحت فى الديسكو وهسيبه يولعها

وهستمتع بالجلوس مع الدرينى على الرمال امام البحر ونشرب التيكلا ونتحدث كثيراً وكثيراً عن كل شي عن العمل وعن الحب

ثم سأطلب من النادلة ان تاتينى بكأسين فى المارتينى وزجاجة فودكا وسيغضب الدرينى منى كثيراً وسيغادر الى غرفته متصنعاً الرغبة فى النوم

وسأتجه الى بهو الفندق لاجد احمد ندا جالس متوسط فتاتين من البرازيل وسأجده يحدثهم على ادب امريكا اللاتينية وعشقه له ثم سأخده مع الفتاتين لنذهب لنتحفل ونشرب المارتينى والفودكا ولكنه سيصر ان لا اخبر احمد الدرينى عن الفودكا وعن الفتاتين وساوافق وسأخبره انى احبه كثيراً

وبعد الاحتفال ندهب للنوم إلا طلال يرفض النوم بتاتا

ثم بعض بضعة ايام ياتى موعد رحيلهم وساذهب لاودعم فى المطار إلا طلال يأبى ان يسافر الى مصر ويصر ان يبقى معى ويعمل فى البار مع مونيكا وساوافق بكل تاكيد

وسأبكى كثيراً عند الوداع
سافتقدكم يا اصدقائى

أنتى لو صاحبتى...أبوس أديكى عشان تخونينى


نيوتن علم سقوط الاشياء....
ولكنى لم اسقط يوماً بهذه الطريقة



وتحدث (شوارتزلد) عن الثقوب السوداء....
ولكنها لم تبتلعنى يوماً




هاكل خنزير وهشرب ويسكى



يوم الاحد
الساعة 10 ونص صباحاً
المطار القديم
تعلن شركة مصر للطيران عن قيام بعض من رحلاتها
فيودع اقاربة المتجهين الى فرانكفورت ثم يختفون عن انظاره
يقف متأمل كل وجوه المحيطين بيه
يسحره جمال الفتيات الالمانيات الواقفين الى يمينة
وعلى يساره اسبانيات جميلات
وامامة فرنسيات رشيقات
ولكنة فشل فى استيعاب كل هذا
يغمض عينه للحظات ليحاول استيعاب الامر
ثم يفتحها ليجد مصريات محجبات عابرين من امامة
كانت صدمة شديدة جداً بالنسبة له...كانت اشبه بصدمة كهربائية لمريض الفلات فووت
اغمض عينية مرة اخرى للحظات..محاولاً نسيان الامر
وسأل نفسة؟؟؟؟
المفروض اننا مسلمين...يعنى معظمنا هيخش الجنة...مش بناكل خنزير ولا بنشرب ويسكى
وهما مش مسلمين..يعنى معظمهم مش هيخش الجنة..بياكلو خنزير وبيشربوا ويسكى
ليه هما كدة وليه احنا كدة؟
ليه بجد هما كدة واحنا كدة؟
لو كدة هاكل خنزير وهشرب ويسكى


Taylor Cole


I want to spend my lifetime loving you
If that is all in life I ever do

I will want nothing else to see me through
If I can spend my lifetime loving you



watch taylor and alaa’s love story on this clip

زمن الكفار


مش عارف ليه من زمان نفسى ارجع لزمن الكفار بتوع زمان..بجد الكفار بتوع زمان دول كانوا نااااس دماغ موووووووت نفسى كنت اعيش معاهم ويكون فى حفلات من الجامدة بتاعتهم وده كله غير الجوارى والعبيد ويكون عندى جارية اسمها زمردة وتكون مزة واكون شاريها غالية قوى من سوق جوارى ويكون عندى عبد اسمة مبارك اكون لاقيه فى الشارع فاعطف عليه واخده يعيش عندى فمبارك هيحب زمردة ..وبعدين انا هعرف فهسحل مبارك واسجنة واتحرش بيه وبعد كدة هزهق من زمردة ..فاديها هدية لصديقى الكافر اللى فى القصر اللى جمبى واشوف رابعة العدوية وتعجبنى واحبها قووووووى وبعد كدة رابعة العدوية تبدأ تصلى .....ونبدأ نعذب فيها ونرمى عليها تعابين وهى بتصلى ويكون عندى سرر كتير من الدنانير واكون مسرف جداً وااااااااااااااااااااااااااااااااااااااااااااااااااو حوار جامد قوى

Imagine it


شرير جداً

قاسى جداً جداً

Imagine it

شوفوا البنت دى.....جامدة


فليحفظك الله إذا كان من الصائب أن يفعل هذا

how to kiss

الراجل المصرى مبيعرفش يبوس

فعلاً والله الرجالة فى مصر مش بيعرفوا يبوسوا ...مش مصدقنى..بس اكيد البنات مصدقة ومقتنعة تماماً
انا والله مش عارف اية السبب ؟ الرجالة بتاعت مصر شكلها غشيمة شوية
الراجل فى مصر بيحسسنى انه بيبوس كنبة ..طربيزة مكواه ...اه والله
انا هقولكم ازاى تعملوا (فرنشاية ) جامدة ...اهم حاجة بس نخلى بالنا من حبت حاجات اساسية
(رائحة النفس) ده مهم جداً على فكرة ....يعنى خلى فى جيبك نعاع وكدة يعنى
(رطوبة الشفتين) عشان تبقى الحياه لذيذة...وميقفشوش فى بعض
(اغمض العينين) اغمض عنيك ده الطبيعى يعنى
(
استخدام اليد) الطريقة الشعبية ان الادين تتحط فى الوسط ...يوووه مش وسطك انتا وسطها هى...
وفى طريقة تانية وهى اكثرهم رومانسية تحط ايديك على رقبة شريكك
French kiss
اهم حاجة فيه إن لازم شفايفك تكون مسترخية وجسمك بالكامل يكون مسترخى وعقلك وذهنك يكون صافى تماماً (مش بقولكم محدش فى مصر بيعرف يعملها صح)لو مفيش استرخاء تحس انك بتبوس سمكة ميتة
2_تفتح شفايفك سنة بسيطة (مش عند دكتور اسنان حضرتك) افتحها مسافة مناسبة
3_مكان راسك فين ...يمين شوية وهى شمال شوية عشان انفكو بس متخبطش فى بعض..وبعد كدة شفايفكو هتتلاقى عن زاوية معينة زى الصورة كدة...خدوا بالكو انف كل واحد لامسة خد التانى
4_اللسان طبعاً ده مهم جداً واكيد انتو عارفين وظيفته اية بقى فى الموضوع ده عشان هقعد احكى كتير وانا مكسل

وفى حاجات تانى بتبقى تحفة زى
البوس بالشيكولاتة ويفضل استعمال شيكولاته مارس عشان فيها كراميل كتير هو غريب شوية بس جامد

اهم حاجة انك تحسها على فكرة..والرجالة فى مصر مبقتش تحس اصلاً..بجد انتوا صعبانين عليا قوى يا بنات بجد والله ..حظكوا الوحش وقعكوا فى حبت جرادل ..واللى هتقولى لا دنا حبيبى بيبوس زى الفل هقولها كدابة ..وعلى فكرة فى تحسن يعنى دلوقتى نسبة من جيل العشرينيات بتعرف تبوس كويس غير كدة انسوا بس ولادكو ان شاء الله هيتبسوا كويس جداً

No trust in your friend


No trust in your friend

حد عايز


حد عايز قلب فاضى
قلب طيب
قلب هادى
.
.
.
قلب كله حنان وعطف
.
.
مستعد يحب حتى قلب عايز ينسى ماضى
.
.
قلب شارى مش ببيعة
.
.
قلب غالى ومش هيرخص
.
.
قلب لسه فى عز ربيعة بس نفسة فى قلب مخلص




قلب ناوى يحب حبيبة قد كل الناس ما اتحبوا
واللى شوقوا فى يوم هيجيبوا يا هناه يا فرح قلبه

قرار


قرار انك مش عايز تكمل اى حاجة فى الحياة
عايز تبدأ كل حاجة من الاول تانى

***********************************
مش عارف تحب
قرار انك متحبش

*************************
مش عارف تحكى لحد انتا مالك
قرار انك متحكيش
**********************
قرفان من كل حاجة

***************
مش عارف تعمل حاجة
مش عارف تنام
مش قادر تعيط
***************************
كنت فرحان قوى
إحساس انك خسرت كل حاجة
*******************
قرار انك مش عايز تكمل الحياة نفسها


هوذا الليل يخبىء لي

ضفاضع وكلاباً ميتة وغرقى

مزة فرز أول


من زمان كان نفسى يبقى عندى (جيرل فريند) بالمعنى الاوروبى وكان نفسى تكون فرز اول زى مزز (ام بى سى 4)؟
ومع مرور الزمن نسيت الحلم ده لانه صعب تحقيقة فى مصر لندرة الفرز الاول فى مصر والصناعة الوطنية كلها مضروبة
المهم بالصدفة البحتة اتعرفت على مزة جامدة جداً جداً بجد مفيهاش غلطة وإلا استايل لبسها وشعرها
واول مرة اشوفها من كتر مززتها مقدرتش اركب بيها مواصلات ده ممكن يتحرشوا بيا وبيها ورحت موقف تاكسى واختها ورحنا قعدنا فى كافيه طلبت ميلك تشيك ومانجو بس بجد مش خسارة فيها اتكلمنا وكنت مبسوط وبعدين روحنا على اساس اننا هنتقابل تانى المهم قعدنا نتكلم فى التليفون بتاع اسبوعين وحددنا معاد جديد عشان نتقابل .....!!؟
يوم المعاد صحيت الصبح اخد شاور محترم وظبط نفسى منا خارج مع مزة فرز اول وحشيت جيبى فلوس لزوم المصاريف
نزلت ووقفت فى المكان المتفق وصلت الاول فضلت مستنى لقيت حد بيخبط على كتفى فبصيت ورايا لقيت خير الله اما اجعلة خير لقيت وحدة واقفة مبتسمة ولابسة (يع ) اسدال اسود اكتشفت بعد كدة انها هى وفاكرة انها كدة بتعملى مفأجاه هتفرحنى حسستنى انها مراتى لقتها بتسألنى اية رايك وعلى وشها باين الاجابة اللى هى مستنياها المفروض انا افرح بجد وقفت بلمت مش عارف اعمل اية ولا اقول اية
بصيت للسما وعنيا مليانا دموع ونفسى اقول بصوت عالى ليـــــــه ..اشمعنى انا ....حرااااااااااااااااااااااام
انتى جابية تتوبى على ايدىaha :هرشت فى دقنى شوية وقلت فى سرى
وقلتلها حلو يعنى بس ليه
هى: انتا مش مبسوط
انا : عادى حريتك الشخصية..بس انتى شكلك لابساه موضه يومين وهتقلعيه تانى ..صح؟
هى : لا انا لابساه على اقتناع
انا : متأكدة !!؟
هى: انا مش بعمل حاجة إلا لما اكون متاكدة منها
انا : بس انا حاسس انك يومين وهتزهقى منه وهتقلعية
هى: فى اية بقولك لا انا مقتنعه بيه جداً
انا : اوك يله نركب
هى مستنية طبعاً اوقف تاكسى زى المرة اللى فاتت ..فضلت واقف لما جة ازحم ميكروباص وقلتلها يلة نركب بسرعة مفيش مواصلات
وجريت وهى جريت وايا ومجرجرة الخيمة بتاعتها وراها وركبنا ونزلنا قعدنا فى نفس الكافية وانا هفرقع طبعاً ..المتر جاى عندنا ..رحت قايلة بسرعة 2 شاى خفيف سكر زيادة وشيل الميه المعدنية فقالتلى انتا مالك غريب قوى النهاردة قلتلها مفيش مخنوق شوية بس
المهم قعدنا اتكلمنا فى حاجات مش فاكر منها ولا حاجة وبعدين قلتلها يلة نمشى وهى مستنية اننا نروح مواصلات زى ما رجعنا قلتلها لا عايز اتمشى شوية ووقفت عند محل اللب اللى قدام الكافية وجبت ربع كيلو لب سوبر عشان الاقى سبب اتف بيه وانا ماشى معاها المهم مشينا حوالى7 كيلولحد ما رجليها اتكسرت وانا طول الطريق بتف بعصبية قوى وبعدين ركبتها ومشيت ودى كانت اخر مرة اشوفها فيها
بجد ..هو انا شكلى محترم او بيبعث على الايمان والتقوى

خطبة جمعة


بسم الله الرحمن الرحيم
ان الحمد إلا لله ...نحمده ونستعين به... اما بعد
يحكى عن ابن عباس انه قال كنت خلف النبي صلى الله عليه وسلم يوما ، فقال :
( يا غلام ، إني أُعلمك كلمات : احفظ الله يحفظك ، احفظ الله تجده تجاهك)....نظرة فى لارض.......تليها فترة صمت
ثم
فترة صمت اخرى مع النظر فى الارض
ثم
فترة صمت اخرى
ثم
فترة صمت اخرى


واقموا الصلاة

انا الملك


حدثت جدتى : فقالت اجتمعت الشمس والقمر والصعلوك والملك

قالت الشمس : انا الملك؛ امد جرم شعاعى لينمو الزرع فيأكل الملك ويأكل الصعلوك ويأكل الناس البين بين

وقال القمر : بل انا الملك بما اعرف من اسرار العاشقين ؛انا سيد اسرار الليل ؛اسمع حتى دبيب النملة الذكر قى سعيها للنملة الانثى

فقال الملك : انا الملك ؛اسمى الملك ؛عندى خزائن الارض ؛افتحها -إن شئت- فيأكل جنودى ويأكل الصعلوك ويأكل الناس البين بين .ولى فى كل شبر عين ترقب حتى دبيب النملة الذكر فى سعيها للنملة الانثى

قال الصعلوك : كيف تحكمون؟! انا الملك ؛لولاى ما كان الملك ولا كانت جنودة ولا كانت عيونه .انا اروى للقمر الحكايات حتى ينام ؛فتطلع الشمس التى لاتطلع إلا اذا نام القمر.وعندما اجوع اسب للملك فتسمعنى عيونه ويأخذونى جنوده ؛يضربوننى ويسجنوننى ويطعموننى ؛ فأصحو حتى ينام القمر وتطلع الشمس ويموت الملك

عزت القمحاوي

ايوة انتى احلى وحدة شافتها عينى



عارفة احلى حاجة فيكى ايـــــــــــه
بتحلى اى شى عنيكى تيجى فيه
قمر ده أيـــــــه اللى تتساوى بيـــه

**************************************
خلينى جمبك ضم قلبى فى عز شوقى
محتاج لحبك بعد طول صبر الليالى
نظرة عنيك بتنور الدنيا فى عنيا

******************************
لما النسيم بيعدى بين شعرك حبيبتى بسمعه
بيقول اهاااااااااااااااااااااااااااااااات
وعطورك الهادية اللى دايبة فيكى كل ما تلمسك
بتقول اهااااااااااااااااااااااااااااااااااات

**********************
الله عليها اما تشوفها ...الله على سحر كسوفها
كل اللى شافك قال قمر...والله انتى اجمل من القمر
جمالك اية ..ما شاء الله
اجمل ملامح شفتها..اجمل ملاك فى الدنيا

*********************************
ما يتحكيش عليها.....زى الملايكة إما تشوفها
وردايا تحلم تقطفها
انا لسه فاكر من يومها ..ساعت ما كنت بكلمها
ضحكتها وعنيهااااااااااااااااا

*************************
ايوة انتى احلى وحدة شافتها عينى
يكفى انك نظرة منك بدويـــنى
منتى اصلك صعب وصفك من جمالك
ايوة انتى احلى وحدة شفتها عينى

****************************
اول ما شفت فى عينك حاجة بتنادينى
حلفت يومها تكونى عشانى ومش لغيرى
وبقيت بنام على حلم فاكره ومش ناسية
هو انتى احلى وحدة شافتها عينى

*******************
ولا كان الحب عمره باختيارنا
ده كان قدرنا وبأدنا اية

its me now




ميلاد اسطورى


انا عارف ان البوست ده جاى متأخر شويه بس...اهو اللى حصل
...............................
.............................................
انا بجد مش عارف اكتب ولا كلمة فى البوست مع ان جوايا كلام كتير جداً لناس حلوين قوى كنت مقرر انى اكتبه بس مش عارف
يمكن مش لاقى حاجة اعبر بيها عن اللى جوايا من ناحيتهم
بس الضرورى جداً انى اشكر احمد الدرينى على يوم عيد ميلاده عشان بجد اليوم ده فرق معايا كتير مووووووت
وقابلت ناس حلو
يــن جداً وحسيت انه كان عيد ميلادى انا
مع انى خد التورتة
بالشيكولاته مع انى عمرى ما اكلتها بالشكولاته ومش بحبها
انا بجد مش عارف اقولكم اية لكل اللى شفتهم فى اليوم ده البراء اشرف بجد


هقولكم اية مش عارف.... بجد مش عارف


انتو حلوين قوى على فكرة وانتو مع بعض

شكراً ليكم انتو التلاته
وربنــا يوفقكم
وكل سنه وانتا طيب يا درينى

بدأ هذا الحفل بميلاد رجل من اعظم الرجال ..رجل من اوفى الرجال
وعلى لسان احمد (وكان اول عيد ميلاد فى البديل يا استاذ خالد)؟

وكان الحفل بحضور كل من

الاستاذ خالد البلشى غنى عن التعريف طبعاً
وعبير العسكرى واميرة هشام وهبه ربيه واحمد و شادى ده كله مع حفظ الالقاب يعنى

وبعدين اكلنا الحاجات الحلوة واتجهانا الى البورصة اللى لقينا عليها لفيف من الاهل والاقارب والاصدقاء
دى اميره هشام ..عسوله موووووت

هوراى كان قاعد على البحر زى منتو شايفين
وكان يوجد ثلاث ملائكة قاعدين معاه اكتشفت بعد كدة انهم
اميره حسن
لمياء محمود

انجى سمراء النيل
وبعدين تكرمت سمراء النيل بتوزيع طقم عسلية( زيها بالضبط)؟

وكالعادة لاعتراض بعض النجوم على التصوير ققرت اصور اديها مع عسليتها
اللى ميعرفش يفرق اديها من العسلية يقولى

على فكرة انتى جميلة قوى وطيبة قوى يا انجى

ثم جاءت اختى بطلتها البهيه لتنير المكان وتضفى عليه بعضاً مما اعطاها الله

كما قالها الدرينى (فى تدوينته الساحرة ..هادئون..هادئون..هادئون) بينما دعاء بجوارى ..صامته..وكأنها موفدة من السماء..ملاك فى صورة بشر..ليراقب الجميع ..تكتب التقارير التى تديننا جميعاً


بعض الصور من القهوةشادى مع احمد

براء والشاى

وكان فى ناس موجوده بروحها معانا ان كانت غير موجوده بجسدها
احمد ندا يارب ترجع بالسلامه

مصعب حمد لله على السلامة