الزفة اشتغلت...واشتغلت
ف دماغي الذكرى ف لحظتها
مين كان يتخيل أن أختي ..
الليلة فرحها ودخلتها
كت تركب كتفي وتتنطط
لو أرفض .. تزعل وتبوز
جريت أيامنا المجنونة
والليلة بشوفها بتتجوز
سيبت المعازيم .. سيبت الزفة
وأخدت الذكرى ف أحضاني
وركنّا ف ركن لوحدينا
جريت أسئلتي ملحقاني

هو احنا زماننا اللي استعجل؟!
والا احنا كبرنا وبنداري ؟!
طب ليه مش قادر تستوعب ؟ّ!
ما تكونش كبرت ومش داري ؟؟

ملحوظة:جزئين القصيدة دول منقولين عن مدونة انا مالى لصاحبها براء عن قصيدة لاحمد عبيد

على فكرة انا عندى اختين بس وده يوم فرحهم مع بعض وكان يوم 1/8/2007
كان شي لذيذ بس كان صعب فعلاً

دى رقصة جماعية للعرسان

اموت واعرف انا كنت عامل بصوابعى كدة ليه؟
ومش عارف دودو عامله بصوابعها كدة ليه هى كمان
اكيد ده كان جزء من عرض صوابع العيلة بتاعتنا
اصلنا صوابعنا حلوة قوى


مش عارف كانوا معلقين التورتة فوق قوى كدة ليه؟؟؟


بردة لسه معرفتش السبب؟؟؟

كنت برقص!!! إية القمر ده يا خواتى

واهم حاجة فى اليوم ده انه كانو موجودين اصحابى اللى بحبهم جداً
من اليمين : براء _هوارى_انا_احمد الدرينى
من تحت يمين: احمد ندا_احمد رفعت


من اليمين: احمد الهوارى_مصعب باشا_انا_احمد الدرينى
تحت يمين نايم:احمد ندا_احمد عزت

ومنساش بردة محمود عبد الستار صاحبى
وشكراً فعلاً لكل اللى شاركنا اليوم الجميل ده

12 comments:

el_assel said...

ألف مبروك
وعقبالنا جميعا
سعيد بزيارتي لمدونتك
وسعيد اكتر ان انا اول كومنت
وألف مبروك مرة تانية

husam shady said...

مبروك يا قمحاوى
وعقبالك

خلود صلاح said...

حمد الله على السلامة ايه الغيبة الطويلة دى يا علاء؟
وصورك احلى من صورى على فكرة يعنى ممكن اتمبئلك بمستقبل باهر فى مجال تصور الفراح والرقص بالصوابع
تحياتى
لدعاءوليك

Mony The Angel said...

allaaaaaah :))
aletneen fara7hom fe nafs alyoom :D
Mabrooooooooooooooook ya 3alaa2
w 3o2balak ya 3am ;))

dead man said...

انت لسه فاكر ..

انا عايز الصور دى والصور اللى منزلتهاش ياد

حبيبة الرحمن said...

الف الف مبروووووك

وعقبالك ان شاء الله

واتمنى لهم حياه سعيده ان شاء الله :)

وكل سنه وانت طيب :)

ذو النون المصري said...

مبروك يا عم قمحاوي
و كل سنه و انت و هم طيبين
تحياتي

Azza Moghazy said...

your sisters are sooooo cute
wish them all the happiness in the world
for i know that will make you happy too

gongs..mabrook

طلال فيصل said...

ربنا يخليكم لبعض..طووووول العمر
وعقبالك يا برنس

3rby said...

ماخلاص بقي يا عم انت هاتفضل متنكد كده علي طول كنت عاوزهم يقعدو جنبك علي طول يعني

3ala asm masr said...

الف مبروك
عقبالك
وربنا يهنيهم
تحياتى

Omar said...

الف مبروك يا علاء عقبالك انا اسف بس انا لسه عارف دلوقتي حالا
عقبالك