أنا ودودو


كعادتى أصل إلى البيت فى اوقات متاخرة من الليل لاجدها جالسة الى الكمبيوتر

انا: حرام عليكى ارحمينى شوية بقى نفسى اخش مرة اعرف اقعد على الجهاز مرة

دودو تكتفى بنظرة قرف ليا ومتردتش عليا نهائى

انا: امتا بقى الواحد يخلص من القرف ده

دودو تتنرفز عليا: منتا طول النهار قاعد عليه

أنا: طيب المهم هتخلصى امتة

دودو: مش عارفة

كل يوم نفس السيناريو وتنتهى الحكاية على كدة بعد شوية زعيق كتير

بعد كدة اخش اعمل اتنين شاى ليا انا ودودو واروح احطهلها قدمها على الكمبيوتر

انا: خدى الشاى فى المج بتاعك اهوة

دودو: شكراً

انا: دقيقة وحدة وهعملك احلى سندوتشين فيكى يا مصر

دودو: لالالا...مش عايزة اكل نهائى...تعالى بس شوف التدوينة دى

انا: قشطة هجيب الاكل واجى على طول

اخش المطبخ اعملى العشا بتاعى واروح اقعد جمبها تقوم هى قايمة وتيجى تاكل معايا

ونفضل نضحك انا وهى قوى عشان ده الطبيعى كل يوم تقولى مش هاكل واول ما اجيب الاكل القيها قعدت قبليا

نتعشى انا وهى وبعدين هى تقوم تعمل شاى وانا اقعد اقرا التدوينة بتاعتها

انا: دودو التدوينة حلوة بس...دودو انتى قبضتى ولا لسه

دودو:خش فى الشنظة بتاعتى خد منها اللى انتا عايزة

انا:يابنتى مش قصدى انا بطمن لتكونى عايزة فلوس ولا حاجة

انا ودودو:ههههههههههههههههههههههههههههههههههههه

انا:مش هاخد كتير على فكرة

دودو:براحتك يا عم ...وشوف الكمبيوتر لو عايزة انا خلصت خلاص
انا:لا خلاص تعالى نتفرج على أم بى سى 4

انا:شايفة يا دودو ولاد الكلب عايشين ازاى وشايفة الالوان لون المية مع السما مع الزرع مع الورد مع الرمل

دودو:تعرف انا بخرج الصبح وبفضل طول اليوم شايفة مصر كلها ابيض واسود شوارع وعربيات وناس ووشوش

انا:بقولك تيجى نهاجر انا وانتى

دودو:ياريت والله

نفضل نرغى كتير قوى مع بعض والساعة دقت السادسة صباحاً

انا:يلة بقى نقوم ننام عشان بابا زمانة هيصحى ولو لقانا صحيين هيقعد يشتغلنى وانا مش ناقص

دودو:قشطة تصبح على خير

انا:تصبحى على خير

دودو:اه صح نسيت بص لو صحيت قبل 5 المغرب صحينى معاك

انا:ههههههههههههههههههههههه

............................................................................
تفتكرى يا دودو انك تكلمينى تصحينى من النوم واكون بحلم بيكى صدفة

انا كنت بعيط وبعدين رحت فى النوم على سريرك وحلمت بيكى وانتى صحتينى من قبل الحلم على تليفونك

لو دى صدفة طيب امبارح

الساعة اربعة ونص صباحاً كنت نايم فى الارض فى الاسماعيلية وبحلم بيكى برده فى يوم فرحك بس كان فرح مختلف نهائى عن الفرح بتاعك واتصلتى بيا بردة وانا بحلم بيكى

تفتكرى دى صدفة بردة
على فكرة متتصليش بيا تانى الساعة 4 ونص صباحاً عشان مبقتش اعرف اسهر لوحدى

26 comments:

دينا فهمي said...

الجزء الأول فكرني بيا انا واخويا جدا

بجد فكرة ان الواحد يبعد عن اهله في وقت من الاوقات دي ويغير طريقة حياته واللي هو متعود عليه دي حاجة صعبة جدا

ربنا مايحرمكوش من بعض
وحاول تتأقلم بأه (:

أحمد الدريني said...

أقتسمك معك كل شيء
لكني أرجوكما انتما الاثنين ألا تزوراني في الرابعة والنصف فجرا....

الحلم العربي said...

ايه ده بقى؟؟؟؟؟احنا فينا من كده ؟؟؟ انا بجد خلاص هعيط

أصل انا و اخويا الصغير نفس السيناريو بس هو خلاص سافر من اسبوع ... انا كمان بحلم بيه كل يوم لكن هو ما بيتصلش بيه لأن الدقيقة عندهم غالية اوي

المهم...عزائنا الوحيد انهم ربما الآن افضل ... و ربما تجمعنا هذه اللحظات الجميلة يوما سويا نحن و ابنائنا نتذكر تلك الأيام الجميلة

ربنا يوفقها في حياتها الجديدة و عقبالك

dead man said...

:s

Mony The Angel said...

bgad tadwena ra2e3a ya 3ala2
momken tkoon a7la haga erethalak fe3lan :)
de sonnet al7aiaah ma3lsh b2a :)
rabbena mai7remkoosh mn ba3d abadan

خلود صلاح said...

انا و شادى غنينا سوا

حلم الحرية said...

مش لاقية كلام اقوله



غير


ربنا يخليكوا لبعض
وميحرمكوش من بعض


قبل ما امشي
التدوينة دي من احلي تدويناتك
بجد
حلوة اوي
صادقة اوي
معبرة اوي

عاشقة الوطن said...

السلام عليكم

ازيك ياقمحاوى

على فكرة انا برضه كتير بفكر فى ناس معينة وسبحان الله ياما يتصلوا بيا او أقابلهم
حاجة كده من عند ربنا سبحان الله


ربنا يخليلك دودو

تحياتى

السلحفاة تطير said...

ألف مبروك يا دعاء .. وعقبالك يا علاء

لو كنت أعلم said...

مبروك بجد لأختك

وياسيدي لما تحب تكون وياها

تليفون صغير ممكن يحل المشكلة

ونقول إيه

هي دي الحياة

حكمة العدد

حلو العقل ده
منك لله طلعتني من المود
تحياتي

Anonymous said...

أه يعنى انت اللى كنت بتاخد منها المرتب أول بأول ؟
يا هو المرتب فيه حاجة؟




أة نستنى
ربنا يخليكوا لبعض


حنان الجوهرى

saso said...

اللللللللللله
قمحاوي ده احلي بوست قريتهولك بجد
:)

ربنا يخليكم لبعض
فين تدوينات دودو علشان انا معرفش مكانها
هه

Anonymous said...

Rabena ye7'leeko li ba3d:)

w 3o2balak...

so sweet, for sure... masha Allah :)

Nouran said...

ربنا يخليكوا لبعض يا رب
هي ديه الاخوية ولا بلاش
:)
ربنا يخليكوا لبعض وعقبال ما تشوف ولادها ويقولولك يا خالو :)

yas said...

مدونتك جميله جدا
انا لسه عرفاها بس قريتها كلها خلاص
والبوست ده جميل ومعلش بقي كل الناس لازم تتجوز نعمل ايه بقي
بس بجد اما تشوف عيالها هتنسي الدنيا
واحده مجربة

Ebtsam said...

ايه يا علاء اخيرا افصحتىعن وجهك الحقيقي اللى بيعرف يحب ويعيش مشاهر وكده يعنى
كنت مخبي العواطشف دى فين من زمان يا معلم
ربنا يبارك لدعاء فى حياتها الجديدة وعقبال ما اشوفك عريس اد الدنيا يا رب

مواطن زهقان said...

بجد بجدربنا يخليكو لبعض يارب

امنى زيارة مدونتى

elkamhawi said...

انا مش عارف اقولكو اية
بجد شكراً ليكو كلكو
واعذرونى لعدم نشاطى الالكترونى اليومين دول لان النت عندى فى البيت بايظ
قشطة

ذو النون المصري said...

الف مبروك لاختك يا شيخ قمحاوي
انا فاكر اني قريت لها تدوينه عن خوفها من ترك البيت الي بيت الزوجيه و كانت قلقانه بشده من ترك الاب و الام و الاخ
انا فاكر التدوينه دي فعلا
لكن علي اي حال دي امور طبيعيه لازم كل واحد فينا بيمر بيها
الف مبروك و تحياتي لك و لها

~ Bato0ot ~ said...

awel mara agy hena mn fatra .. bas el post da ra2e3 bgd w ra2eeee2 awyyyy ... heya de el akhwya .. rabna yekhliko l b3d ya rab ,,,

الملاح التائه said...

تصدق ولا انا كمان بقيت اسهر
أصل هاسهر لوحدي اعمل ايه
واصحي بدري ازاى؟
يرحم زمان
وليالى زمان
أحلى ايام قرب الأخوات وسهرهم حتى مطلع الفجر
لحد ماتتجوز
واحنا قاعديييين
نفس القصه
يالله ربنا يسعدهم
بوست جميل

3ala asm masr said...

ربنا يخليكوا لبعض
للاسف انا معنديش حد أعمل معاه كده
يلا دنيا

حبيبة الرحمن said...

كل سنــــة وإنتوا طيبين بمناسبة قرب رمضان اللهــــم باركـ لنا في شعبــــان وبلغنا رمضـان اللهم.•°´¯´°•.صلى.•°´¯´°•. على.•°´¯´°•.الحبيب.•°´¯´°•.محمد •°´¯´°•.وعلى.•°´¯´°•.آله.•°´¯´°•.وصحبه.•°´¯´°•.وسلم.•°´¯´°•.تسليما.•°´¯´°•.كثيرااللهم آمين

ola salem said...

ezzayak ya kamhawy???

Unknown said...

(:

ربنا يخليكوا لبعض(:

كل سنة وانت طيب
ورمضان كريم

tweety said...

2na 2wl mra 2zor 2l mdona we mosh 3rfa men dodo wla fhma bs 7set 2nko 25wat s7????????// 3la 2l 3mom rbna y5leko l b3d