مزة فرز أول


من زمان كان نفسى يبقى عندى (جيرل فريند) بالمعنى الاوروبى وكان نفسى تكون فرز اول زى مزز (ام بى سى 4)؟
ومع مرور الزمن نسيت الحلم ده لانه صعب تحقيقة فى مصر لندرة الفرز الاول فى مصر والصناعة الوطنية كلها مضروبة
المهم بالصدفة البحتة اتعرفت على مزة جامدة جداً جداً بجد مفيهاش غلطة وإلا استايل لبسها وشعرها
واول مرة اشوفها من كتر مززتها مقدرتش اركب بيها مواصلات ده ممكن يتحرشوا بيا وبيها ورحت موقف تاكسى واختها ورحنا قعدنا فى كافيه طلبت ميلك تشيك ومانجو بس بجد مش خسارة فيها اتكلمنا وكنت مبسوط وبعدين روحنا على اساس اننا هنتقابل تانى المهم قعدنا نتكلم فى التليفون بتاع اسبوعين وحددنا معاد جديد عشان نتقابل .....!!؟
يوم المعاد صحيت الصبح اخد شاور محترم وظبط نفسى منا خارج مع مزة فرز اول وحشيت جيبى فلوس لزوم المصاريف
نزلت ووقفت فى المكان المتفق وصلت الاول فضلت مستنى لقيت حد بيخبط على كتفى فبصيت ورايا لقيت خير الله اما اجعلة خير لقيت وحدة واقفة مبتسمة ولابسة (يع ) اسدال اسود اكتشفت بعد كدة انها هى وفاكرة انها كدة بتعملى مفأجاه هتفرحنى حسستنى انها مراتى لقتها بتسألنى اية رايك وعلى وشها باين الاجابة اللى هى مستنياها المفروض انا افرح بجد وقفت بلمت مش عارف اعمل اية ولا اقول اية
بصيت للسما وعنيا مليانا دموع ونفسى اقول بصوت عالى ليـــــــه ..اشمعنى انا ....حرااااااااااااااااااااااام
انتى جابية تتوبى على ايدىaha :هرشت فى دقنى شوية وقلت فى سرى
وقلتلها حلو يعنى بس ليه
هى: انتا مش مبسوط
انا : عادى حريتك الشخصية..بس انتى شكلك لابساه موضه يومين وهتقلعيه تانى ..صح؟
هى : لا انا لابساه على اقتناع
انا : متأكدة !!؟
هى: انا مش بعمل حاجة إلا لما اكون متاكدة منها
انا : بس انا حاسس انك يومين وهتزهقى منه وهتقلعية
هى: فى اية بقولك لا انا مقتنعه بيه جداً
انا : اوك يله نركب
هى مستنية طبعاً اوقف تاكسى زى المرة اللى فاتت ..فضلت واقف لما جة ازحم ميكروباص وقلتلها يلة نركب بسرعة مفيش مواصلات
وجريت وهى جريت وايا ومجرجرة الخيمة بتاعتها وراها وركبنا ونزلنا قعدنا فى نفس الكافية وانا هفرقع طبعاً ..المتر جاى عندنا ..رحت قايلة بسرعة 2 شاى خفيف سكر زيادة وشيل الميه المعدنية فقالتلى انتا مالك غريب قوى النهاردة قلتلها مفيش مخنوق شوية بس
المهم قعدنا اتكلمنا فى حاجات مش فاكر منها ولا حاجة وبعدين قلتلها يلة نمشى وهى مستنية اننا نروح مواصلات زى ما رجعنا قلتلها لا عايز اتمشى شوية ووقفت عند محل اللب اللى قدام الكافية وجبت ربع كيلو لب سوبر عشان الاقى سبب اتف بيه وانا ماشى معاها المهم مشينا حوالى7 كيلولحد ما رجليها اتكسرت وانا طول الطريق بتف بعصبية قوى وبعدين ركبتها ومشيت ودى كانت اخر مرة اشوفها فيها
بجد ..هو انا شكلى محترم او بيبعث على الايمان والتقوى

18 comments:

واحد said...

ههههههههههههههههههه
يعني أقولك ايه
بالزمة ده كلام

أحمد حربية said...

إيه يا معلم نوعية المواقف الغريبة اللي بتحصلك دي؟
بس جامد حوار اللب السوبر ده ، و معلش بقى تعيش وتاخد غيرهاوتكون فرز اول برضه!!
ويلا كل مزة وانت طيب

أحمد

دعاء عادل said...

يا مشرفنى ورافع راسى

اصلا يا ابنى مافيش بنت فى الكون كله تستاهلك
ربنا يخليك ليا يارب
و
براحتك عيش يا مان
تف براحتك
اصلا هى تستاهل

khaled said...

هههههههه
اهم حاجه النيه
اكيد انتا مكنتش مخلص النيه

أحمد الدريني said...

مش عارف ليه بدأت أحس ان مدونتك دي نازلة أووفر من ابليس لاصدقائه!!

متغيرة شوية said...

هههههههههههههههههههه
انا بضحك على التعليق اللي قبلي بصراحة..فظيع

اللي حصلك بقى يا قمحاوي موعظة ليك ولغيرك اللي بيدوروا على المزز.. هتجيلك باسدال على طول.

Anonymous said...

ياعملى
لبست اسدال لبست بدلة رقص
المزة هتفضل مزة

Music Gates said...

هههههههههههههههههههههه
هههههههههههههههههههههههه
هههههههههههههههههههههههه

اولا اقولك الصورة الي انت حاططها دي
جامده في مزه عاليه اوي

بعد كدا الموقف ده الصراحه يبين انك فقري ههههههههههههه بس جامده
هقولك انا بقي انا الموضوع ده بيحصللي بنسبة 60 في ال 100 من البنات الي اعرفها
كل ما اتعرف علي بنت تلبس الحجاب و بيبقي نفسي اكولها نص
و بتبقي بنت ايه من الفرز الاول و تقولي انا خلاص انا هلبس الحجاب
بيبقي نفسي اضرب نفسي بالجزمه اني متعرفتش عليها قبل كدا
ههههههههههههههه
هههههههههههههههههه بس ايزدال دي شديدة ا وييييييييييييي
اهو الحجاب الواحد بيسلك اموره
ههههههههههههه

Ebtsam said...

الغريبة يا علاء انك ما بتحرمش وكل مرة تقع فى موقف اسخف من اللى قبله اقولك الحل فكك م الحوار ده كله وشيل من دماغك البنات كده اسلم واوفر .. صدقنى

Mony The Angel said...

:)
i loked el dreeny's comment :))

LAMIA MAHMOUD said...

انا جيت قبل كده وقعدت اضحك وسيبت كومنت راح فيييييييييييييييييييين


المهم يعني .. واضح كده والله اعلم انك تجبر على الفضيلة

جامدة يا علاء

ana ga3an said...

شكلها كانت بترسم علي عريس
ولقتك سقع
تاكس ومانجة وميلك شيك
قالتلك مابدهاش بقي

Anonymous said...

بص يا سيدى
اولا كده شكلك مالكش فى الطيب نصيب
ياريت ممكن تفسر لى سبب يع سيادتك لما شفت الاسدال .. ولا لازم يعنى علشان تبقى مزة لازم تبقى من غير ولا ماتنفعش تكون مزة لك لوحدك لازك الكل يشاور عليها وهى ماشية معاك ويقولوا يسلام على المزة اللى مع اخينا ده
علشان سعادتك تقول لنفسك شوف الناس بيحسدونى على المزة اللى معايا ده انا صحيح واد مقطع السمكة وديلها
اسمحلى انا اشك انك حتى تعرف تقرا الفاتحة
ربنا يهدينى ويهديك
ابو سلمى

Anonymous said...

wade7 en 3andak da3f fi fehm el dein w showaia mn as7abak el lozaz .. :S ,, el mohem ,, law kont mohtam ,, lazem te3raf en el taqwa wel dien wel eiman elly mesh 3agbinak dol homma el asl , el asass .. mesh el girl friend wel mozaz wel habala di ..
3ala fekra ana mesh moltazem wala 7aga .. ana da3ief bs ba7awel ab2a kowaiss ,, w ta2riban di awel marra adafe3 3n el dien
enta 3aref ana la2et el mawdo3 beta3ak da ezzay ??
ana kont badawar 3ala soret bent 7elwa ,, w la2et el sora bta3et el mawdo3 ,, fa fakart 2a2ra eh elly maktoob .. wlel2asaf 2areet ,, 2oslobak 7elw fel ketaba ,, bs el mawdo3 ya33333
Rabena yehdiny w yehdik ,, le2ani atmana ennak tekteb bel2oslob dah bs fi 7aga tenfa3 mesh 7aga ya3333
ana mesta5sarak ,, el shitan beyshta3'alak aktar menni :S
........ Teto

myblog said...

واذا بليتم فأستتروا

omar said...

تسمحلي اقولك انك انسان تافه
ده بعد اذنك يعني

Salma said...

على فكره ده فعلا غلط وجمال أي بنت مش في شعرها ولا لبسها في دينها والتزامها بيه .
غير ان الكلمة اللي أنت مالي موضوعك بيها وكمان مخليها عنوانه غلط ومعناها وحش جدا .
طريقة كتابتك أكثر من رائعة .
اتمنالك التوفيق وانك تنسى الكلام الغريب اللي بتقوله د7 .

Anonymous said...

سبحان الله
الاحترام مبيتشحتش
الحمد لله على نعمة الاسلام