(mony)صباح الفل عموماً انا اتمررلى التاج ده من العزيزة
وكعادتى مش بحب ارفض اول طلب اى حد يطلبة منى (الاول بس هة)
فـ دى كانت الاسئلة .......


اية اللي حيحصل لايميلك لما تموت؟

مش عارف انا مفكرتش فى الموضوع ده قبل كدة بس دلوقنى بجد الموضوع ده قلقنى جداً
بس اكيد هزعل قوى على الناس اللى بحبهم على الماسنجر واكيد محدش هيخش عليه بس برده هحاول اسيب فى وصيتى الباص وورد لاى حد يقول لاى حد مهتم انى خلاص...

اديت الباس وورد لحد قبل كده؟
لا

لو اه كانت طبيعة علاقتك بيه اية؟
قلت لا

اسمك؟
علاء عادل توفيق

اسم الدلع المشهور وسط اصحابك؟
مفيش دلع معين بس فى مجموعة بتسمينى ميلكانا
ومجموعة تانية بتقولى لــــول

عمرك؟
20 إلا حاجات بسيطة

برجك؟
الاسد

مجال دراستك؟
كلية حقوق عين شمس

شخصيتك نوعها ايه؟
مش عارف بس بتنرفز جامد قوى وبسرعة جداً على حاجات تافهة موووووووت
وبزعل بسرعة وبسامح او بتصالح بسرعة برده
واما احب بحب بجد لدرجة انى مبقتش عايز اصاحب حد او احب حد عشان اما يروح متعبش ولا ازعل عليه

السفر بالنسبة لك؟
حياتى

المود بتاعك؟
معظم الاوقات funny

وقت فراغك بتعمل فيه ايه؟
حسب المود ساعات بقف فى المطبخ اعمل اكل
وساعات بقعد على القهوة
وساعات العب كورة

الاكلة المفضلة؟
+بيبسى(larg)دجاج كنتاكى+بطاطس

الصفات اللي خدتها من بابا؟
ممكن الشكل شوية
بس الطباع اكيد اخد منه حاجات بس مش هعرف انا اقولها
ممكن طريقة المشى

الصفات اللي خدتها من ماما؟
امى دى حبيبتى مع انى عكسها فى كل حاجة
بس برده مش انا اللى اقدر احدد واخد منها اية

اكتر 6 حاجات بتكرهها؟
1-انى اعمل حاجة غصب عنى
2-
الانسان البارد
3-الظلم
4-افشاء الاسرار
5-الكهرباء
6-انى اروح اشترى عيش

اكتر 6 حاجات بتحبها؟
1-السهر
2-السفر
3-سواقة العربيات
4-الاقعدة مع ناس بحبهم
5-انرفز البنات عشان بحبهم
6-الموسيقى
فى طبعاً حاجات اساسية المفروض تعرفوها لوحدكم زى ربنا ..بابا..ماما..اخواتى......

الشغل بالنسة لك؟
لو باجر قليل يبقى مضيعة للوقت وحرام
يبقة تحفة لو حبيته وده صعب عشان مش بحب اعمل حاجة مطلوبه منى

ايه الكمبيوتر والانترنت بالنسبة لك
شقيقان

ولحظى السي قبل اما اعمل ببلش للتاج ده دخلت عند ابن عمى (عربى) لقيته مدبسنى فى تاجين واحد هو نفس اللى جاوبت عنه فوق والتانى اللى هو الخمس حاجات اللى محدش يعرفها عندك وده بجد مع الاعتذار ليك يا عربى ولاى حد صعب عليا عشان لو جاوبت عليه لازم اجاوب بصراحة ولو جاوبت بصراحة فى بلاوى ممكن تحصل فخلينا كدة احسن وشكراًً

4 comments:

عاشقة الوطن said...

ايه ياعم علاء ده
ايه الاجابات التحفة ديه بس
وبعدين انت من النوع اللى
قلبك طيب
وبتسامح على طول
والله كويس ديه صفة جميلة جداااااا
خليك كده

وبعدين انت بدأت البلوج بصورة اوعى تكون صورتك
ليه كده بس انت مش عارف ان الحاجات ديه وحشة
والله وحشة
ماعنتش تعمل كده تانى

بس بجد تحفة الاجابات

تحياتى

ذو النون المصري said...

نفس التاج ده وصلني و الثاني ايضا و اجبت عنهما و اجاباتك جيده و صريحه
لك تحياتي

tota said...

قمحاوى
ايه الدخان اللى ملى المدونة ده
دى مش شيشة ده شكمان عربية
عامل جو الدخان علشان تجاوب براحتك بقى واحنا نتوه معاك

بس انسان بسيط مصرى جميل

تحياتى

elkamhawi said...

عاشقة الوطن

شكرا على الزيارة نورتى بجد
وربنا يخيكى اما بالنسبة للحاجات الوحشة فربنا هيسهل

ذو النون المصرى

جاى فى السريع اقرا اصلى بحب الصراحة

توتا

شفتى بقى انتى فهمتينى ازاى
اهو الواحد بيلاقى اى حاجة ينفخ فيها والسلام
سلام