ميلاد اسطورى


انا عارف ان البوست ده جاى متأخر شويه بس...اهو اللى حصل
...............................
.............................................
انا بجد مش عارف اكتب ولا كلمة فى البوست مع ان جوايا كلام كتير جداً لناس حلوين قوى كنت مقرر انى اكتبه بس مش عارف
يمكن مش لاقى حاجة اعبر بيها عن اللى جوايا من ناحيتهم
بس الضرورى جداً انى اشكر احمد الدرينى على يوم عيد ميلاده عشان بجد اليوم ده فرق معايا كتير مووووووت
وقابلت ناس حلو
يــن جداً وحسيت انه كان عيد ميلادى انا
مع انى خد التورتة
بالشيكولاته مع انى عمرى ما اكلتها بالشكولاته ومش بحبها
انا بجد مش عارف اقولكم اية لكل اللى شفتهم فى اليوم ده البراء اشرف بجد


هقولكم اية مش عارف.... بجد مش عارف


انتو حلوين قوى على فكرة وانتو مع بعض

شكراً ليكم انتو التلاته
وربنــا يوفقكم
وكل سنه وانتا طيب يا درينى

بدأ هذا الحفل بميلاد رجل من اعظم الرجال ..رجل من اوفى الرجال
وعلى لسان احمد (وكان اول عيد ميلاد فى البديل يا استاذ خالد)؟

وكان الحفل بحضور كل من

الاستاذ خالد البلشى غنى عن التعريف طبعاً
وعبير العسكرى واميرة هشام وهبه ربيه واحمد و شادى ده كله مع حفظ الالقاب يعنى

وبعدين اكلنا الحاجات الحلوة واتجهانا الى البورصة اللى لقينا عليها لفيف من الاهل والاقارب والاصدقاء
دى اميره هشام ..عسوله موووووت

هوراى كان قاعد على البحر زى منتو شايفين
وكان يوجد ثلاث ملائكة قاعدين معاه اكتشفت بعد كدة انهم
اميره حسن
لمياء محمود

انجى سمراء النيل
وبعدين تكرمت سمراء النيل بتوزيع طقم عسلية( زيها بالضبط)؟

وكالعادة لاعتراض بعض النجوم على التصوير ققرت اصور اديها مع عسليتها
اللى ميعرفش يفرق اديها من العسلية يقولى

على فكرة انتى جميلة قوى وطيبة قوى يا انجى

ثم جاءت اختى بطلتها البهيه لتنير المكان وتضفى عليه بعضاً مما اعطاها الله

كما قالها الدرينى (فى تدوينته الساحرة ..هادئون..هادئون..هادئون) بينما دعاء بجوارى ..صامته..وكأنها موفدة من السماء..ملاك فى صورة بشر..ليراقب الجميع ..تكتب التقارير التى تديننا جميعاً


بعض الصور من القهوةشادى مع احمد

براء والشاى

وكان فى ناس موجوده بروحها معانا ان كانت غير موجوده بجسدها
احمد ندا يارب ترجع بالسلامه

مصعب حمد لله على السلامة

الف سلامة عليك يا مصعب باشا


(mony)صباح الفل عموماً انا اتمررلى التاج ده من العزيزة
وكعادتى مش بحب ارفض اول طلب اى حد يطلبة منى (الاول بس هة)
فـ دى كانت الاسئلة .......


اية اللي حيحصل لايميلك لما تموت؟

مش عارف انا مفكرتش فى الموضوع ده قبل كدة بس دلوقنى بجد الموضوع ده قلقنى جداً
بس اكيد هزعل قوى على الناس اللى بحبهم على الماسنجر واكيد محدش هيخش عليه بس برده هحاول اسيب فى وصيتى الباص وورد لاى حد يقول لاى حد مهتم انى خلاص...

اديت الباس وورد لحد قبل كده؟
لا

لو اه كانت طبيعة علاقتك بيه اية؟
قلت لا

اسمك؟
علاء عادل توفيق

اسم الدلع المشهور وسط اصحابك؟
مفيش دلع معين بس فى مجموعة بتسمينى ميلكانا
ومجموعة تانية بتقولى لــــول

عمرك؟
20 إلا حاجات بسيطة

برجك؟
الاسد

مجال دراستك؟
كلية حقوق عين شمس

شخصيتك نوعها ايه؟
مش عارف بس بتنرفز جامد قوى وبسرعة جداً على حاجات تافهة موووووووت
وبزعل بسرعة وبسامح او بتصالح بسرعة برده
واما احب بحب بجد لدرجة انى مبقتش عايز اصاحب حد او احب حد عشان اما يروح متعبش ولا ازعل عليه

السفر بالنسبة لك؟
حياتى

المود بتاعك؟
معظم الاوقات funny

وقت فراغك بتعمل فيه ايه؟
حسب المود ساعات بقف فى المطبخ اعمل اكل
وساعات بقعد على القهوة
وساعات العب كورة

الاكلة المفضلة؟
+بيبسى(larg)دجاج كنتاكى+بطاطس

الصفات اللي خدتها من بابا؟
ممكن الشكل شوية
بس الطباع اكيد اخد منه حاجات بس مش هعرف انا اقولها
ممكن طريقة المشى

الصفات اللي خدتها من ماما؟
امى دى حبيبتى مع انى عكسها فى كل حاجة
بس برده مش انا اللى اقدر احدد واخد منها اية

اكتر 6 حاجات بتكرهها؟
1-انى اعمل حاجة غصب عنى
2-
الانسان البارد
3-الظلم
4-افشاء الاسرار
5-الكهرباء
6-انى اروح اشترى عيش

اكتر 6 حاجات بتحبها؟
1-السهر
2-السفر
3-سواقة العربيات
4-الاقعدة مع ناس بحبهم
5-انرفز البنات عشان بحبهم
6-الموسيقى
فى طبعاً حاجات اساسية المفروض تعرفوها لوحدكم زى ربنا ..بابا..ماما..اخواتى......

الشغل بالنسة لك؟
لو باجر قليل يبقى مضيعة للوقت وحرام
يبقة تحفة لو حبيته وده صعب عشان مش بحب اعمل حاجة مطلوبه منى

ايه الكمبيوتر والانترنت بالنسبة لك
شقيقان

ولحظى السي قبل اما اعمل ببلش للتاج ده دخلت عند ابن عمى (عربى) لقيته مدبسنى فى تاجين واحد هو نفس اللى جاوبت عنه فوق والتانى اللى هو الخمس حاجات اللى محدش يعرفها عندك وده بجد مع الاعتذار ليك يا عربى ولاى حد صعب عليا عشان لو جاوبت عليه لازم اجاوب بصراحة ولو جاوبت بصراحة فى بلاوى ممكن تحصل فخلينا كدة احسن وشكراًً