bye bye 2006




ايام كانت ومرت كأنها حلم
لا اعلم اين ذهبت ولا اين كنت ،هل فعلا عشتها
ام كانت مجرد حلم مر سريعا


ورا كل صورة من الصور دى حكاية جميلة او يوم جميل عشته فى السنة اللى فاتت
وكل صورة تحمل ذكرى جميلة جداً لناس بحبهم جداً وايام مش ممكن تتعوض
واتمنى انى اشوف ايام زى دى فى 2007 ويكون كل الناس اللى بحبهم معايا
واللى لسه هحبهم واللى عايز احبهم يكونوا معايا
ومع الذكرايات الجميله دى اودع سنة2006 واستقبل سنه 2007

ويا جماعة مش عايزين قر عشان السنه الجديدة تبقى حلوة وعلى ميه بيضا


وكل سنه وانتو طيبين

remember the good times

دول صحابى وبحبهم جداً ومرتبط بيهم جداً وهما كمان اكيد بيحبونى
لانهم يعنون لى الكثير والكثير وليس مجرد حلقات تى.فى

لدرجة انى مستنى اليوم اللى يخشوا عليا يصحونى من النوم والاقيهم كلهم فى غرفتى
واخدهم وانزل افطرهم عند عربيت الفول بتاعت عمى سمير اللى على اول الشارع واطلبلهم على حسابى طبعاً 6 فوق بالزيت العادى عشان
اكيد مش بيحبوا الزيت الحار ونقف عند الكشك اللى قدمها نشرب بيبسى


بحبكم بجد ...واشكركم بجد
اشكركم على كل لحظة حلوة قضتها معاكو
اشكركم على كل ابتسامة حلوة اتسرمت فوق شفايفى
اشكركم على كل ضحكة حلوة طلعت من قلبى
اشكركم على كل حاجة اتعلمتها منهكم
اشكركم على المشاعر الجميلة اللى حستها معاكو









jennifer aniston (rachel)

بحبك موووووووووووووووت

بحبك جداً تصدقلا انا برده قلت براد بيت مكنش يستاهلك
انتى عايزة اللى يقدرك ويصونك ويستتك

انا بنام وبحلم باليوم اللى تيجى وتقوليلى فيه
lolo, kiss me
وارد واقولك ادينى فرصه افكر

يا اجمل وارق مخلوقة فى الدنيا
بحبك

"كان نفسى انورك قمرى واعملك بأديا الشاى ,احكيلك فى الليل حكاياتى واغنى لعنيك بناااااااى"


courteney cox (monica)



كلك على بعضك على بعضك حلو

حلوة وانتى فرحانة وحلوة وانتى زعلانة وانتى بتحبى وانتى بتكرهى













lisa kudrow (phoebe)

بحب سنه الهبل والعبط اللى فيكى
بس عســــــــــــــــــــــــل

وافكارك كانت تجنن

وحبيتك فيكى طيبتك












matt leblanc (joey)



دمك زى العسل
وبحب فيك تلقائيتك

لانك الوحيد اللى من اول سيزون لحد اخر سيزون متغيرتش












david schwimmer (ross)



حبيت تمثيلك جداً
وكتير قوى كنت بتصعب عليا اما كنت بتحب ريتشل ومش عارف تقولها إزاى

بس اللى كرهته فيك إنك كنت بتطلع بدور يهودى














matthew perry (chandler)



حبيت فيك المرح وخفه الدم
وقصه حبك مع مونيكا
كانت لذيذه جداً





















baby laughing

اتحدى لو حد شاف العسل ده ومضحكش حتى لو كان مضايق وحتى لو كان فى مصر..وعلى فكرة شبهى وانا صغير

الجايعة

كأى بنى ادم طبيعى ققرت فى يوم إنى انزل الجامعة بتاعتى بعد غياب دام حوالى شهرين يعنى اشوف الامتحانات والمحاضرات وده مع إنى مش مقتنع إنها جامعة اصلا وإنى ضيعت عمرى فى الفاضى وقال بنتعلم ..يعنى 15 سنة بصحى الساعة 7 الصبح من اول حضانه لحد الكليه وفى الاخر اية طظ ..طظ ومليون طظ..
المهم رحت الجامعة لقيت دى جى شغال فى الجامعة يمكن عيد ميلاد العميد و اتحاد الطلبه هى اللى منظماه(العنب العنب العنب) والناحية التانية مظاهرة "إخوان" اللى فى الجامعة (إصحى وقوم يا ابن الخطاب قالو على الاسلام إرهاب) المهم طبعاً الاغلبيه عند (العنب) المنظر غريب وفى ناس بترقص وحاجة مسخرة ققرت إنى اقعد اتفرج وعلى ما اظن الحكاية دى عند بين الاتحاد والاخوان وبعدين وانا بتفرج على الطلبه اللى راحة الجامعه عشان ترقص لقيت جيش إخوان هاجم على المسرح وبتاع الدجى وكل اللى واقف ومعاهم خشب وحديد وأخدوا عاطل فى باطل اللى كان واقف عند الدى جى كان بيتقص المهم الاتحاد بدورة بدأ يدافع عن نفسه وقامت معركة واللى انا مستغربله فين الامن !!مفيش أظن كانوا مستنين يستدعوا القوات اللى فى كازبلانكا ومشيت وسبتها بذمتكم دى جامعة دى ولا ده تعليم ده انا لو كنت فى مولد المضايقة مكنش حصل كدة والموضوع ده اتكرر تانى اول إمبارح انا مرحتش عشان زهقت بس الناس اتصلوا بيا
.لو ده التعليم .ولو دى الجامعة حد يقولى عشان بجد زهقــــــــــــــــــــــــــــــــت.

صدمة

انا انا

شعور وحش قوى إنك كل لما تحب حاجة تروح منك
كل ما تحب حد يروح برده منك
نفسى بجد احب حاجة مترحش منى

بدون تعليق



تصدقوا الصورة دى بتفكرنى بحاجات كتيرة فى مصر ..