انا انا

شعور وحش قوى إنك كل لما تحب حاجة تروح منك
كل ما تحب حد يروح برده منك
نفسى بجد احب حاجة مترحش منى

8 comments:

3rby said...

يا عم انت هاتمثل؟
مين اللي مات
او مين البت اللي نفضتلك؟

shady said...

هههههههههههههههه
ليه عربى كده يا عربى لما اخوك المواطن احاسيسة توجعه مفروض تهنيه انه لسه عنده احاسيس مش تتريق عليه
على عموم كويس انك لسه بتزعل وتتبسط وتتاثر وتحب وهكذا يعنى

smraa alnil said...

مش شرط ان الحب دة يكون حب بنت
ممكن يكون حب لحلم فضلنا نحلم بيه وراح منا
ممكن نحب حياتنا ونلاقيها بتتسحب منا في لحظةورا التانية وبتتهد ادامنا
ممكن نحب حاجة ومش قادريننملكها
ووممكن هو يكون بيحب بنت فعلا وراحت منه
بس لازم تعرف حاجة
ان اي كان الي بتمر بيه
لازم تعرف ان دة افضل ليك
واوعي تزعل علي حاجة انت مش اخدتها او راحت منك لانها مش هرجع تاني
ومش تحط امل علي رجوعها عشان لو مش رجعت يبقياديك أقلمت نفسك عليها
ولو رجعت يا اما تاخد علي البعد وترفض رجوعها او تستلم لضعف قلبك
بس اي كان المفروض انك مش تبطل تتكلم عن اللي بتحبه ولا عن حلمك
حارب يمكن تاخد اللي بتحبه
واجه نفسك
واتقرب من ربنا واعرف ان اي كان دة خير ليك
وفي الاخر مش هنقول غير الحمد لله برضا
عشان تعرف تنام وانت مغمض عنيك من غير ما تفكر في حزنك اللي هيقتلك
انا مش بنصح ولا بدي نصايح
بس انا كنت زيك
يا اما اتمنيت ومش اخدت اللي اتمنيته
ومش هنكراني استسلمت في لحظة بس بعد كدة اكتشفت ان في حاجة انا بحبها اوي ومحدش يقدر ياخدها مني او يبعدها عني او انها تسيبني وتروح وهي الكتابة والقراية
وكيفية التعبير عن نفسي ومشاعري
اكيد انت جواك انت بتحبها اوي او حواليك انت بتحبها اوي بس انت مش شايفها
شيل من عينك الغمامة ومش تخلي نظرك مقتصر علي اللي انت عايز تحبه وبس
وشوف حواليك
معلش رغيت كتير
ومش عايزة حد يشتم
انا بقولكم اهو
سلام

elkamhawi said...

عربى ..حبيبى وابن عمى انتا عارف انى مش بمثل ومحدش مات ومحدش نفضلى

شادى..الحمد لله لسه جوا الواحد شوية احاسيس بيدعى ربنا إنها مترحش منه

خالد...مش حب بنت

سمراء النيــل....تصدقى إنتى الوحيدة اللى فهمتينى وفعلاً الموضوع مش متعلق بحكاية بنت خالص انا اصلا عمرى ما ارتبط باى بنت بس فى حجات كتير بتأثر فى الواحد قوى والمشكلة إنك مبتعرفيش تتكلمى. شعور وحش قوى إنك تشوفى الدنيا بتنهار من حواليكى ومش عارفة تعملى اى حاجى بس تصدقى فرحان إن فى حد فهمنى والكومينت بتاعك لذيذ قوى



خالد ..تانى إزاى مش احب فى إحنا مولودين والحب جوانا ومش شرط يكون حب بنت عشان انا شايف إن فى مليون حب تانى أسمى منه وارفع منه

elgharep said...

محدش هيفهم كلامك ده أدى
الغريب

elkamhawi said...

خالد
انا افتكرتك تقصد الحب ده وبعدين مفيش حد بيسمع منير زيى ميقدرش يحب

غريب

كويس انك فهمت

Anonymous said...

ماتنكرش انك كل ما تقع و تضيع منك حاجة بتبقى أأقوى و بتحافظ على اللى بيتبقالك
و بتتعلم تشوف صح

غير الخبرة
شوفت الموضوع مش كله وحش فى حته منورة حلوة اهى

كده و للا كده اللى حلمت بيه ايا كان راح
لا انت هتموت و لا الأحلام هتخلص

elkamhawi said...

انا حرة

تصدقى اكتشفت اننا مبنعرفش نحلم